ეკონომიკურად განვითარებულ მსოფლიოში ფინანსური ანალიტიკოსის პროფესია ყველაზე პრესტიჟულ და მოთხოვნად პროფესიათა რიცხვს განეკუთვნება. შესაბამისად, ჯანსაღი კონკურენციის პირობებში სულ უფრო მნიშვნელოვანი ხდება შექმნათ ფინანსური ანალიტიკოსის CV, რომელიც სათანადოდ წარმოაჩენს თქვენს კონკურენტულ უპირატესობას!
Სარჩევი
ფინანსური ანალიტიკოსი CV: მაგალითი
👇 წარმოგიდგენთ ფინანსური ანალიტიკოსის CV-ს ნიმუშს, რომელიც ეფექტურად წარმოაჩენს თქვენს კონკურენტულ უპირატესობას:
ფინანსური ანალიტიკოსი
+995 551 515 515
bakanidze_nino@email.com
თბილისი, საქართველო
Linkedin.com/in/ninobakanidze
პროფესიული შეჯამება
“7 წლიანი პროფესიული გამოცდილების მქონე კვალიფიციური ფინანსური ანალიტიკოსი. ფინანსური აღრიცხვის საერთაშორისო სტანდარტების შესაბამისად შემიძლია საოპერაციო ხარჯების სეგმენტური ალოცირება და კომპანიის სტრატეგიული პროექტების მომგებიანობის კალკულაცია. ჩემი კომპეტენციის ფარგლები აღწერით ფინანსურ ანალიტიკასთან ერთად სადიაგნოსტიკო და ნაწილობრივ საპროგნოზო ანალიზსაც მოიცავს.”
სამუშაო გამოცდილება
ფინანსური ანალიტიკოსი
კომპანია “პალიტრა ჰოლდინგი”
თბილისი, საქართველო
2015 წლის მაისი – 2023 წლის მარტი
ძირითადი მოვალეობები:
- ფულადი სახსრების მოძრაობის ანგარიშის მოკლევადიან პროგნოზის მომზადება და ანალიზი;
- საბიუჯეტო დაგეგმვაში მონაწილეობის მიღება და სტრატეგიული ფინანსური გეგმის შედგენა;
- ყოველთვიური ფინანსური რეპორტის შედგენა და ანალიზი.
რეკომენდატორი
თამარ შურღაია
“პალიტრა ჰოლდინგის” ფინანსური განყოფილების ხელმძღვანელი
+995 557 127 127
shurgaia_tamar@email.com
განათლება
რეპორტინგისა და მონაცემთა ანალიზის სამაგისტრო პროგრამა, ევროპის უნივერსიტეტი, საქართველო (2013-2015)
ფინანსების საბაკალავრო პროგრამა, შავი ზღვის საერთაშორისო უნივერსიტეტი, საქართველო (2009 – 2013)
სერთიფიკატები და ტრენინგები
- სმარტ აკადემიის სასერტიფიკატო კურსი თემაზე “მონაცემთა ანალიზი – Excel Advanced კურსი” (2023);
- საქართველოს ბანკის სასერტიფიკატო პროგრამა “ლიდერატორი” (2022);
- რეპორტინგისა და ანალიტიკის საერთაშორისო სკოლის ტრენინგი თემაზე “რელაციური მონაცემთა ბაზების მართვა” (2021);
- Microsoft-ის სერტიფიცირებული მონაცემთა ანალიტიკოსი (2020).
კომპიუტერული უნარები
- Oracle
- SQL
- Power BI
- Excel
- Google Sheets
ხისტი უნარები
- საოპერაციო ხარჯების სეგმენტური ალოცირება
- მონაცემთა ვიზუალიზაცია
- აღწერითი ფინანსური ანალიტიკა
- სადიაგნოსტიკო ანალიტიკა
- საპროგნოზო და სექტორული ანალიზი
რბილი უნარები
- მაღალი ეთიკური სტანდარტები
- სტრატეგიული აზროვნება
- რაციონალურობა
- სტრესისადმი გამძლეობა
- ეფექტური ზეპირი და წერითი კომუნიკაცია
ჰობები და ინტერესები
- კომპიუტერული თამაშები
- ციფრული ტექნოლოგიები
- ხელოვნური ინტელექტი
- მონაცემთა მეცნიერება
ენები
- ინგლისური – B2
- გერმანული – A2
Მოთხოვნა ფინანსურ ანალიტიკოსებზე საქართველოში 2023 წელს
👉 წლების წინ საქართველოში მხოლოდ რამდენიმე მსხვილი კომპანია იყო ფინანსური ანალიტიკით დაინტერესებული. თუმცა, ცნობიერების ამაღლებისა და ბიზნესის მასშტაბის ზრდასთან ერთად მათი რაოდენობა დროთა განმავლობაში მნიშვნელოვნად გაიზარდა.
Როგორ უნდა შეადგინოთ ფინანსური ანალიტიკოსის რეზიუმე
ამისთვის რამდენიმე ღირებულ რჩევას გაგიზიარებთ:
- გაუფრთხილდით დამსაქმებლის დროს:თანამედროვე სამყაროში დრო ყველაზე ძვირფასი აქტივია, რომელსაც ადამიანი ფლობს. ამ მოსაზრებას დამსაქმებლებიც იზიარებენ და ყოველი რეზიუმეს განხილვას საშუალოდ მხოლოდ 30 წამს უთმობენ. ამის გათვალისწინებით, გირჩევთ რეზიუმეს წერის პროცესში მხოლოდ ფინანსური ანალიტიკის სფეროსთვის რელევანტური ინფორმაციით შემოიფარგლოთ.
- იყავით გულწრფელი: მცდარი ინფორმაციის რეზიუმეში წარმოდგენა არაგონივრული ნაბიჯია. როდესაც დამსაქმებლის წინაშე, მხოლოდ თქვენი უნარებისა და შესაძლებლობების იმედად აღმოჩნდებით, რეზიუმეში მითითებულმა მცდარმა ინფორმაციამ შესაძლოა მნიშვნელოვნად იმოქმედოს თქვენს პროფესიულ რეპუტაციაზე.
- რაოდენობრივად შეაფასეთ თქვენი მიღწევები: თქვენი პროფესიული პროფილის შეფასებით გამოწვეული დადებითი შთაბეჭდილების განმსატკიცებლად, სასურველია წერის პროცესში რაოდენობრივი მაჩვენებლები გამოიყენოთ. რიცხვებში გამოხატული ინფორმაცია დამსაქმებელს თქვენი კვალიფიკაციისადმი გაჩენილ ინტერესს კიდევ უფრო მეტად გაუმძაფრებს.
- არ დაივიწყოთ საკონტაქტო ინფორმაციის სექცია: რეზიუმეში აუცილებლად მიუთითეთ თქვენი სახელი, მისამართი, ელექტრონული ფოსტა და ტელეფონის ნომერი. ეს ინფორმაცია პირველი გვერდის ზედა ნაწილში განთავსეთ და დარწმუნდით, რომ საკონტაქტო ინფორმაცია ზუსტია. წინააღმდეგ შემთხვევაში, დამსაქმებელი თქვენთან დაკავშირებას ვერ შეძლებს.
- დარწმუნდით, რომ რეზიუმე გრამატიკულ შეცდომებს არ შეიცავს: რეზიუმეს წერისას დაშვებულმა ორთოგრაფიულმა ან გრამატიკულმა შეცდომამ შესაძლოა უარყოფითი შთაბეჭდილება მოახდინოს დამსაქმებელზე. ამის თავიდან ასაცილებლად წერის დასრულებისთანავე გადახედეთ ტექსტს და დარწმუნდით, რომ ყველაფერი რიგზეა.
სექციების განლაგება
👉 სექციების ლოგიკური თანმიმდევრობა დამსაქმებელს მნიშვნელოვნად გაუადვილებს რეზიუმეში წარმოდგენილი ინფორმაციის აღიქმას. ამაში თავადაც დარწმუნდებით თუ ჩვენ მიერ რეკომენდირებულ განლაგებას გაეცნობით.
- რეზიუმეს სათაური და საკონტაქტო ინფორმაცია
- სახელი და გვარი
- პროფესიული სტატუსი
- ტელეფონის ნომერი
- ელ.ფოსტის მისამართი
- პროფესიული სოციალური მედიის ბმული
- ადგილმდებარეობა
- პროფესიული შეჯამება
- გამოცდილება
- ხისტი და რბილი უნარები
- დამატებითი სექციები (უცხო ენები, კომპიუტერული უნარები, Სერთიფიკატები და ტრენინგები, Ძირითადი მიღწევები, Ჰობები და ინტერესები, Რეკომენდატორები).
Რეზიუმეს მისაღები ფორმატი
რეზიუმეს შექმნასთან დაკავშირებული ძირითადი რჩევების მოსმენის შემდეგ დროა ფინანსური ანალიტიკოსის CV-ის ფორმატირების 3 ძირითადი მეთოდი განვიხილოთ:
- ქრონოლოგიური ფორმატიმრავალფეროვანი პროფესიული გამოცდილება გაქვთ და გსურთ რეზიუმეში მთავარი აქცენტი სამუშაო გამოცდილებაზე გააკეთოთ? მაშინ, არჩევანი უდაოდ ქრონოლოგიურ ფორმატზე უნდა შეაჩეროთ. ეს ფორმატი დაგეხმარებათ სამუშაო ისტორიასთან ერთად განათლებასთან დაკავშირებული ინფორმაციაც კონკურენტუნარიანად წარმოაჩინოთ.
- ფუნქციური ფორმატითუ ფინანსური ანალიტიკოსის რანგში მუშაობის ხანმოკლე ისტორია გაქვთ ან პროფესიით მუშაობას მხოლოდ ახლა იწყებთ, გირჩევთ უპირატესობა ფუნქციურ ფორმატს მიანიჭოთ. აღნიშნული ფორმატი დაგეხმარებათ, რომ რეზიუმეს ცენტრალურ წერტილად თქვენი უნარები და შესაძლებლობები აქციოთ.
- შერეული ფორმატითუ პროფესიულ უნარ-ჩვევებთან ერთად ფინანსური ანალიტიკოსის რანგში მუშაობის მრავალფეროვანი სამუშაო გამოცდილების წარმოჩენაც გსურთ, გირჩევთ უპირატესობა შერეულ ფორმატს მიანიჭოთ.
სათაური და საკონტაქტო ინფორმაცია
👇 წარმოგიდგენთ სათაურისა და საკონტაქტო ინფორმაციის მაგალითს, რომელიც დამსაქმებელს თქვენთან დასაკავშირებლად საჭირო ყველა მნიშვნელოვან დეტალს ნათლად და მკაფიოდ წარმოუდგენს.
ფინანსური ანალიტიკოსი
+995 555 123 123
bakanidze_nino@email.com
LinkedIn.com/in/ninobakanidze
თბილისი, საქართველო
+995 555 123 123
niniko1995@gmail.com
საქართველო, თბილისი, თაბუკაშვილის ქუჩა 19
ფინანსური ანალიტიკოსის სამუშაო გამოცდილება
ფინანსურ ანალიტიკოსებს სადაზღვევო რისკების შეფასებასთან ერთად ფინანსური რისკების სტატისტიკური ანალიზი, პროდუქტისთვის სამართლიანი ფასის განსაზღვრა და საინვესტიციო პროგრამების ანალიზი ევალებათ.
🔎 შესაბამისად, გასაკვირი არ არის, რომ დამსაქმებლები ბანკის თანამშრომლის CV-ის მსგავსად, ფინანსური ანალიტიკოსის რეზიუმეს შეფასების პროცესშიც სწორედ პროფესიულ გამოცდილებაზე ამახვილებენ ყურადღებას.
👇 თუ თქვენი სამუშაო ისტორიის სათანადოდ წარმოჩენა გსურთ, ჩვენ მიერ მომზადებულ მაგალითს გაეცანით.
მაგალითი:
ლიბერთი ბანკი
თბილისი, საქართველო
2018 წლის ივნისი – 2023 წლის დეკემბერი
ძირითადი მოვალეობები:
- ბანკის ფინანსური მონაცემების ანალიზი სხვადასხვა ჭრილში;
- კომპანიის სეგმენტური და სექტორული ანალიზი;
- ბანკის სტრატეგიული პროექტების მომგებიანობის კალკულაცია;
- ბანკის ხარჯებისა და შემოსავლების ანალიზი;
- ყოველთვიური ფინანსური მაჩვენებლების ანალიზში აქტიური ჩართულობა.
Როგორ უნდა წარმოადგინოთ განათლების სექცია
🔎 ისტორიულად ფინანსური ანალიტიკოსები ყველაზე უფრო ხშირად სადაზღვევო კომპანიებსა და საპენსიო ფონდებში მუშაობდნენ, თუმცა მათ საკონსულტაციო ფირმებში, ბანკებში, საინვესტიციო კომპანიებსა და კვლევით ცენტრებშიც შეხვდებით. სწორედ პროფესიისთვის დამახასიათებელი ამ მრავალფეროვნებით მიემსგავსება ანგარიშების მენეჯერის CV ფინანსური ანალიტიკოსის რეზიუმეს.
👇წარმოგიდგენთ ნიმუშს, რომელიც ფინანსური ანალიტიკოსისთვის რელევანტური განათლების სექციის შექმნაში დაგეხმარებათ.
მაგალითი 1
თავისუფალი უნივერსიტეტი, თბილისი, საქართველო
2016 წლის სექტემბერი-2018 წლის ივნისი
შესაბამისი კურსები:
- ორგანიზაციული მოდელირების საფუძვლები
- ბიზნეს კომუნიკაცია ანალიტიკოსებისთვის
- ბიზნეს მოთხოვნების ანალიზი და მართვა
- მონაცემთა სტრუქტურების ანალიზი
- ფუნქციური ანალიზი: მეთოდები და ინსტრუმენტები
ფინანსების საბაკალავრო პროგრამა
ბიზნესის და ტექნოლოგიების უნივერსიტეტი, თბილისი, საქართველო
2012 წლის სექტემბერი – 2016 წლის დეკემბერი
შესაბამისი კურსები:
- ბუღალტრული აღრიცხვა და აუდიტი
- კორპორაციული ფინანსები
- ფინანსური მენეჯმენტი
- კონტროლი და რეპორტინგი
- ფინანსური კვლევისთვის საჭირო რაოდენობრივი და ხარისხობრივი ინსტრუმენტები.
ფინანსების საბაკალავრო პროგრამა, ივანე ჯავახიშვილის თბილისის სახელმწიფო უნივერსიტეტი, საქართველო (2012 – 2016).
ფინანსური ანალიტიკოსის უნარ-ჩვევები
თანამედროვე ტექნოლოგიურ მიღწევებზე დაფუძნებული სხვა პროფესიების მსგავსად, კომპიუტერული უნარების ქონას ფინანსური ანალიტიკოსისთვისაც არსებითი მნიშვნელობა აქვს. თუმცა, უნდა აღინიშნოს, რომ ორგანიზაციული უნარ-ჩვევებიც არანაკლებ მნიშვნელოვანია ამ პროფესიის მქონე ადამიანებისთვის.
🔎 მაგალითად, ქონების მენეჯერის CV-ის მსგავსად, ფინანსური ანალიტიკოსის რეზიუმეშიც ხშირად შეხვდებით ისეთ ინტერპერსონალურ უნარებს, როგორიც ეფექტური თანამშრომლობა, სტრატეგიული აზროვნება და სტრესისადმი გამძლეობაა.
ხისტი უნარები
- საოპერაციო ხარჯების სეგმენტური ალოცირება
- მონაცემთა ვიზუალიზაცია
- აღწერითი ფინანსური ანალიტიკა
- სადიაგნოსტიკო ანალიტიკა
- საპროგნოზო და სექტორული ანალიზი
რბილი უნარები
- მაღალი ეთიკური სტანდარტები
- სტრატეგიული აზროვნება
- რაციონალურობა
- სტრესისადმი გამძლეობა
- ეფექტური ზეპირი და წერითი კომუნიკაცია
პროფესიული შეჯამება
რეზიუმეს პროფესიული შეჯამების ნაწილში წარმოდგენილი ინფორმაცია საუკეთესოდ წარმოაჩენს თქვენს კონკურენტულ უპირატესობებს და დამსაქმებელს თქვენი პროფესიონალიზმის ეფექტურად შეფასებაში ეხმარება.
დამატებითი სექციები
თუ დამსაქმებლის ყურადღების მისაქცევად დამატებით იდეებს ეძებთ, ჩვენ მიერ წარმოდგენილი სექციები უდაოდ დაგეხმარებათ მიზნის მიღწევაში:
- უცხო ენებირეზიუმეს ამ ნაწილში წარმოდგენილი ენები ცოდნის დონის მიხედვით მიუთითეთ და პირველ რიგში ყურადღება მიაქციეთ იმ ენას, რომელსაც ყველაზე კარგად ფლობთ. ამისთვის საერთაშორისოდ მიღებული სტანდარტის (A1, A2, B1 და ა.შ) გამოყენებას გირჩევთ.
- კომპიუტერული უნარებიშეუძლებელია ვსაუბრობთ ფინანსური ანალიტიკოსის პროფესიაზე და კომპიუტერული უნარებზე არ გავამახვილოთ ყურადღება. ეს კვალიფიკაცია პროფესიული ფუნქცია-მოვალეობების შესრულებასთან მჭიდრო კავშირშია. შესაბამისად, მნიშვნელოვანია გულდასმით წარმოადგიმოთ ყველა ის უნარი, რომელიც კომპიურეტული პროგრამების გამოყენების შესაძლებლობაზე მიუთითებს.
- Სერთიფიკატები და ტრენინგებიფინანსურ ანალიტიკასთან დაკავშირებული სერტიფიკატებისა და ტრენინგების რეზიუმეში წარმოდგენა მნიშვნელოვნად აამაღლებს თქვენი პროფესიული ინტელექტის დონეს და საუკეთესოდ წარმოაჩენს თქვენს კონკურენტულ უპირატესობას. სასურველია, რეზიუმეს ამ ნაწილში ტრენინგ ცენტრის დასახელება და სერტიფიკატის გაცემის თარიღიც მიუთითოთ.
- Ძირითადი მიღწევებიძირითადი მიღწევების სექცია დამსაქმებელს თქვენი პრიორიტეტების სწორად განსაზღვრაში დაეხმარება. შესაძლებლობის შემთხვევაში, ძირითად მიღწევებზე საუბრისას, გირჩევთ, უპირატესობა ინფორმაციია რაოდენობრივად წარმოჩენას მიანიჭოთ.
- Ჰობები და ინტერესებიჰობებისა და ინტერესების სექციას ერთი უჩვეულო თვისება აქვს – შეუძლია სულ რამდენიმე წამში შეცვალოს დამსაქმებლის დამოკიდებულება თქვენდამი. ეს მხოლოდ იმაზეა დამოკიდებული პროფესიისთვის რამდენად რელევანტურ ინტერესებზე გაამახვილებთ ყურადღებას.
- Რეკომენდატორებიიშვიათია იპოვო ადამიანი, რომელიც გაუცნობიერებლად, საკუთარი რეპუტაციის ფასად გაგიწევს რეკომენდაციას. სწორედ ამიტომ, დამსაქმებელთა უმრავლესობა რეზიუმეს ამ ნაწილს საკრალურ მნიშვნელობას ანიჭებს. შთაბეჭდილების უფრო მეტად განსამტკიცებლად, სასურველია რეკომენდატორის სახელთან ერთად მისი პოზიცია და საკონტაქტო ინფორმაციაც მიუთითოთ.
Შეჯამება: ძირითადი ნაბიჯები ფინანსური ანალიტიკოსის CV-ს შესადგენად
- საკონტაქტო ინფორმაცია რეზიუმეს პირველ გვერდზე განათავსეთ და დარწმუნდით, რომ ტელეფონის ნომერთან ერთად ელექტრონული ფოსტის მისამართიც ზუსტია.
- რეზიუმეს წერის პროცესში მხოლოდ ფინანსური ანალიტიკის სფეროსთვის რელევანტური ინფორმაცია წარმოადგინეთ.
- დადებითი შთაბეჭდილების განმსატკიცებლად, წერის პროცესში რაოდენობრივი ინფორმაცია გამოიყენეთ.
- დარწმუნდით, რომ რეზიუმე ორთოგრაფიულ ან გრამატიკულ შეცდომებს არ შეიცავს.
Რატომ უნდა დაურთოთ CV-ს სამოტივაციო წერილი
თქვენი სამუშაო გამოცდილებისა და უნარ-ჩვევების შესახებ, სამოტივაციო წერილში შეგიძლიათ გულწრფელად ისაუბროთ იმაზე, თუ რატომ გსურთ ფინანსურ ანალიტიკოსად მუშაობა.
Შესაბამისად, სასურველ ვაკანსიაზე რეზიუმესთან ერთად სამოტივაციო წერილის წარდგენა მნიშვნელოვნად გაზრდის თქვენი პროფესიული წარმატების შანსს!
კითხვები და პასუხები
1. როგორ განვსაზღვრო ტონი რეზიუმეს წერის პროცესში?
რეზიუმეებს ხშირად ადამიანური რესურსების მართვის ის სპეციალისტები ამოწმებენ, რომლებიც ფინანსური ანალიტიკის სფეროს კარგად არ იცნობენ. ამიტომ, წერის მარტივი სტილის გამოყენებას გირჩევთ. თუმცა, ნუ დაივიწყებთ სფეროსთვის სპეციფიკურ ტერმინებს – მათი მეშვეობით თქვენს ინდუსტრიულ ცოდნას უფრო დამაჯერებლად წარმოაჩენთ.
2. სტატისტიკურად დაახლოებით რამდენ რეზიუმეს იღებს დამსაქმებელი ფინანსური ანალიტიკოსის ვაკანსიაზე?
რეზიუმეების რაოდენობა, რომელსაც დამსაქმებლები ფინანსური ანალიტიკოსის თანამდებობაზე იღებენ, ყოველ ინდივიდუალურ შემთხვევაში, კონკრეტული ქვეყნების ეკონომიკური პირობების შესაბამისად განსხვავდება. განვითარებად ქვეყნებში ეს რიცხვი შესაძლოა რამდენიმე ათეულიდან ასეულ რეზიუმემდე მერყეობდეს.
